Gasteiz, 2025eko maiatzaren 27 – Euskal Herriko Unibertsitateak (EHU) “Antolaketa, Praktika Onenak eta Konpromisoa Unibertsitate Baratze Kolaboratiboetan” gaiaren inguruko nazioarteko lantegi bat hartu zuen ENLIGHT sarearen ekimenaren barruan. Ikasgaraia taldeko Arantza Ricok antolatuta, Bordele eta Uppsalako unibertsitate kideetako ordezkariak bildu ziren esperientziak partekatzeko eta iraunkortasun estrategia kolaboratiboak garatzeko. Horretaz gain, Estibaliz Saez de Camarak (Garapen Jasangarrirako Espainiako Sareko presidentea), eta Valladolideko Unibertsitateko Marcia Eugenio-Gozalbo ikerlariak, iraunkortasuneko lankidetza proiketuetan eta baratze ekodidaktikoen esperientziak partekatu zituzten, hurrenez hurren.

Bi eguneko ekitaldia Arabako Campuseko baratze ecodidaktikoak (HaziCampusa) antolatu zuen, eta unibertsitate espazio berdeak diziplinarteko hezkuntza eta komunitatearen parte-hartzerako erreferente bihurtzean zentratu zen. Parte-hartzaileek erabaki-hartzea partekatua azpimarratzen duten gobernantza ereduak aztertu zituzten eta campuseko baratzeak nola izan daitezkeen instituzio akademikoen eta iraunkortasun mugimendu zabalagoen arteko zubia aztertu zen.

“Ekimenak erakusten du Europako unibertsitateek gero eta gehiago aitortzen dutela campuseko baratzeak katalizatzaile ahaltsuak direla hezkuntza ikuspegi berritzaileetarako eta komunitatean oinarritutako ingurumen ekintzarako”, dio Arantza Ricok tailerraren antolatzaileak.

Hasiera ekitaldia Hezkuntza eta Kirol Fakultatean egin zen eta bertan egon ziren: Jon Azkune Torres, EHUko Enlighteko zuzendaria eta Uxue Fernández Lasa, Ongizatearen eta Jasangarritasunaren zuzendaria.